唐詩詠解鼻高之謎:嫲嫲係混血兒!

東方日報
唐詩詠原來有八分一荷蘭人血統。

唐詩詠、陳豪、陳敏之與周柏豪昨晚出席無綫賀年節目《金鼠迎春接萬福》,席上詩詠自爆「混血」,難怪有個高鼻子:「原來嫲嫲係荷蘭同印尼混血嘅,所以我有八分一外籍血統!平日忙拍劇開工,好少同親戚食飯,見面亦冇傾過,係近日大家食飯傾開先知。以前好多人問點解我個鼻咁高,我就答『負負得正』。」

柏豪:嚟拜年先消毒

最近武漢肺炎肆虐,家有小朋友的周柏豪、陳豪與敏之紛紛取消過年節目,為防感染而自我隔離,柏豪說:「照顧咗小朋友先,唔關係咪疫情,呢段時間又流感、又感冒,要好小心。(唔畀人去你屋企拜年?)幾個人嚟都OK。(使唔使先探熱?)要o架,用人手摸吓佢哋有冇燒,叫佢哋做足洗手消毒同戴口罩。」他指疫情對工作有影響,內地部分工作都取消或延期,更取消了下星期到內地。問到是否囡囡不舒服?柏豪說:「由滿月到3個月,醫生話BB好多時會腸痙攣肚仔痛,呢個係冇辦法,係成長必經階段。因為肚仔痛仲會便秘,所以佢呢排成日扭人抱,今日都抱咗成日。(心痛?)係!情願自己便秘。」

陳敏之、周柏豪為小朋友着想,自我隔離。
周柏豪