唐詩詠被斷正與新男友早已同居 甜密買餸返愛巢

娛樂

唐詩詠雖然被封「最佳女朋友」,但得名無所用,與 洪永城分手後,多番被斷正與「教育界王力宏」陳思銘 (Samuel)拍拖夜會,甚至去超市買餸返男方屯門屋企度春宵,斷正同居!

撰文、圖片:東方新地

唐詩詠男女家兩邊住搵黃翠如做掩護買北角豪宅

年近四十的唐詩詠口講緣份天注定,但其實她不知幾心急做 人妻,還冧掂男友買樓築愛巢。唐詩詠去年曾搵好姊妹黃翠如掩護 兼幫眼,到北角豪宅新盤柏蔚山睇樓,當時翠如被問是否買樓同蕭正楠築愛巢就爆響口話是陪老友唐詩詠睇樓,並非自己想買。

口口聲聲話唔係拍拖,但早前唐詩詠與陳思銘專登去位於中環長江集團中心地庫的隱蔽超市,貪其人流疏落。

據知情者透露:「大男友成六年,你估Natalie真係唔急咩?但係佢唔想畀人 覺得佢恨嫁,又驚嫁錯郎,成日都話睇定啲先,其實不知幾羨慕翠如同蕭正楠,依家同Samuel一齊都兩年,如果再行落去真係好大機會結婚。

今年 2 月陳思銘以2,300萬購入柏蔚山一個800呎單位,相信已準備好同女友唐詩詠築愛巢。

一開始拍拖,Natalie已經表明想另一半有自己物業, Samuel知道佢睇中北角嗰度,好快就扑槌買,依家愛巢未收樓,佢 哋就兩邊屋企都會去住吓,唔使拍劇就去Samuel屯門屋企,如果Natalie要做嘢就各自返屋企,再唔係就Samuel去佢度。」男女朋友過同居生活最正常不過,偏偏唐詩詠敢做唔敢認。

今年 3 月,唐詩詠駕車到達 陳思銘的教育學校附近,男 方夾啱時間極速跳上車,被 踢爆以素顏見男友的唐詩 詠,見到記者即拎出粗框眼 鏡戴上,陳思銘亦尷尬掩 面,最後唐詩詠突然踩油加 速,更危險 cut 線擺脫記者。

斷正同居!甜密買餸返愛巢

今年三月,唐詩詠被本刊記者斷正揸車去接男友陳思銘收工再約會,拍拖甜如蜜,之後二人再煙韌 到超級市場拍拖買餸後同返男方屯門寓所,玩煮飯仔撐枱腳直落度春宵。

二人在超市內有商有量,有講有笑,揀咗成粒鐘,買完蔬菜再揀海鮮同牛肉,不過為掩 人耳目,離開時前後腳各自駕車返男方屯門寓所會合

對於 被斷正買餸後返男家,唐詩詠重申陳思銘不是她的男友:「講咗好多次佢唔係我男朋友,當時大家參加朋友聚會,唔想再講,大家畀啲時間空間我,我怕身邊嘅男士會好大壓力,嚇怕咗,唔跟我同枱食飯喇!」為密冚戀情,唐詩詠顯然是擘大眼講大話,原來「最佳女朋友」未必是「最誠實女朋友」。

玩地下情 的二人在內貼實揀食物,之後一齊返屋企 煮飯撐枱腳。

延伸閱讀:

馬國明連環失落視帝兼情場失意 孝順仔有媽萬事足

唐詩詠極力否認戀愛中 男友骨場疏乎自己dry爆行中環