唐詩詠與馬國明頻頻密會 陳思銘社交網站發文暗示感情告一段落?

陳思銘

有「教育界王力宏」之稱嘅陳思銘(Samuel),一直同被封為「絕世好女友」唐詩詠(Natalie)嘅感情鬧得熱哄哄,佢哋多次被影到出雙入對,一直被外界視為公認嘅一對。不過近期唐詩詠就俾人影到同「二哥」馬國明關係甚密,佢哋除咗頻頻密會,仲一架車仲兩份用,但就令到「陳唐戀」好似已經告一段落。

馬國明 & 唐詩詠

日前,Samuel喺社交網站留言表示自己喺瞓覺之前都會睇一陣書,當中更特別選取鄺俊宇嘅愛情小說。最估唔到當佢睇書時就記起自己錯過一個好女仔,而且更借酒消愁治療情傷。Samuel發覺對方說話係好似愛錫自己嘅時候,其實原來雙方已經越來越少話題溝通,甚至乎對方已經越來越獨立唔再需要自己。

分開後就算原來佢覺得難受,身邊朋友叫佢挽回呢一個好女仔嘅時候,佢最終都係選擇工作!日子過去,見到呢位錯過嘅好女仔有新歡,睇到新歡係發自內心對佢好,即使自己內心係酸溜溜,要睇住有人對自己舊愛又好又溫柔,確係令佢非常心痛,但仍然為對方送上祝福!除咗講到自己感受之外,佢仲提及到呢位新歡係「烚熟狗頭」咁嘅樣。

喺接受傳媒查詢時,佢就回答話冇分手,因為冇一齊過喎。