唐詩詠極力否認戀愛中 男友骨場疏乎自己dry爆行中環

娛樂

對外界一向堅稱單身嘅唐詩詠,逃唔過網民對眼,多次被指低調宣告已經有男友,可能曾被舊愛所傷,令唐詩詠留有陰影,唔認拍拖進可攻退可守,但早前就被本刊拍到男友陳思銘曾背詩詠冧女,又同老友去骨場疏乎,堅持地下情未必係上策喎。

撰文、圖片:東方新地

多次否認拍拖網民眼利踢爆

據知情者透露,唐詩詠堅持己見要玩地下情:「Natalie(唐詩詠)好怕認愛後發生一啲佢預計唔到嘅事,如果分手又要面對外間嘅壓力,所以佢今次死都唔會認拍拖。

去年大年初一, 唐詩詠去咗行山,當日更在IG上載咗幾張靚相,見她一 身露腰行山Look笑晒口春風滿面。那邊廂陳思銘亦在同日同地點影相,仲打卡tag「小欖水塘」,雖然二人都係晒獨照,但女方相片右下角就見到有人舉機拍照嘅影子,被指低調宣告戀情。
被 指真身係陳思銘的專欄作家「葉朗程」,早前上載了一張長髮女背面 相,被眼利網民認出,與唐詩詠上載慶祝38歲生日時的相片,無論衣著打扮、室內環境和夜景都如出一轍,被揭發陳思銘為女友甜蜜慶生,不 過唐詩詠就堅決否認背影係自己。

保護戀情要低調 獨自Dry爆行中環

為保護戀情,唐詩詠平日也不能和男朋友高調拍拖,早前唐詩詠相約女友人到中環食米線,近月消瘦不少的她邊食邊向友人訴苦,然後又獨自dry爆行中環,無他嘅,有男友又要扮無男友,係慘啲嘅。

早前唐詩詠相約女友人到中環食米線,近月消瘦不少的她邊食邊向友人訴苦,講到七情上面皺紋現晒形。
詩詠嗜好唔多為人勁宅,這日見她獨自在中環一間咖啡店內飲咖啡發呆, 個樣滿載心事苦刁刁,看來需要搵好姊妹開解。

女友唔認拍拖 男友光明正大骨場疏乎

Natalie以為可以保護段感情,自己會冇咁大壓力,其實咁樣仲衰,男方有更多空間搞搞震,女人就係咁,眼不見為乾淨,尤其做藝人 呢行,時間咁唔定,要箍住個男人有難度。」本刊拍到男友陳思銘放工與男同事結伴夜闖尖東骨場,入內疏乎4粒鐘才離開,見他頭髮未乾、累氣全消輕鬆晒,熟晒架步似乎是骨場常客。

陳思銘當晚幫襯的骨場位於麼地道一商場的地庫二樓,他與男同事明顯熟晒地形,就快到目的地仲向招牌手指指,未疏乎先興奮。
本刊記者曾影到陳思銘由屯門寓所揸車到港島南區的海怡半島,接了甜美的女同事返回位於銅鑼灣的教育學校。

延伸閱讀:

馬國明連環失落視帝兼情場失意 孝順仔有媽萬事足

唐詩詠被斷正與新男友早已同居 甜密買餸返愛巢