哈林母不滿孫仔易服?伊能靜撐兒子做自己

台灣女星伊能靜與歌手庾澄慶(哈林)所生嘅兒子小哈利早前被網友發現易服照,除咗着上吊帶連身裙之外,更塗上指甲油、化全妝打扮成女生,大膽表現與眾不同嘅愛好。作為媽媽嘅伊能靜大力支持,鼓勵佢唔好因為其他人而改變自己,亦有唔少網友大讚小哈利嘅敢作敢為,不過爸爸庾澄慶嗰邊嘅親友就較為難接受,更曾掀起「家庭風暴」!

小哈利早前公開易服造型,震驚唔少網民!
由化妝到服裝造型都一絲不苟。
伊能靜支持兒子做自己。

有台灣報道指,庾澄慶媽媽無法接受孫仔男扮女嘅嗜好,導致小哈利與爸爸家族嗰邊較疏離,故「投靠」媽媽伊能靜,就算伊能靜最近離台到內地參加選秀節目,小哈利亦被拍到返回伊能靜寓所,可見感情非常好。

有傳庾澄慶(哈林)媽媽無法接受孫仔愛男扮女裝嘅嗜好。