咁厚禮?林盛斌送女賀王梓軒

東方日報
王梓軒

歌手王梓軒身在外地工作,未能返港慶祝34歲生日,不過有逾10個國家的粉絲及朋友參加其線上生日會,最令他感動是有好友王君馨拍攝驚喜視頻,又獲陳煒送手工畫的雞蛋。

當中以林盛斌最厚禮,梓軒說:「佢囡囡霏霏同我差唔多時候生日,佢竟然將12歲個女送畀我做女朋友,呢份禮物雖然令我好窩心,亦好感激佢,但我諗排到下年都未輪到我去見佢,因為陳國峰個仔一早已經抽咗籤,我會問准佢呢個競爭對手先!」此外,他獲工作團隊及韓國編劇Won Lee送上超級英雄蛋糕,寓意其作品發光發亮。