周秀娜多年努力成功轉型 由𡃁模變成入屋女神!

東方新地 - 娛聞

講起周秀娜,你會想起性感𡃁模?還是知性女神? 諗番起初出道的娜姐由性感𡃁模,其後跳入公仔箱,一步一步改變形象,成為今時今日入屋女神,真是不禁令人佩服!另外,初次拍電視劇的娜姐終於在《深宮計》中出場,未知佢能否為觀眾帶來新鮮感?

撰文:東方新地|圖片:新傳媒圖片庫、TVB、周秀娜微博

 

周秀娜首拍電視劇

周秀娜於電視劇《深宮計》中擔正飾演鄭純熙一角,同皇后胡定欣爭寵,戲份仲好重!劇中娜姐係太平嘅外甥女,出生於有錢世家,後被安排入宮中,並得寵成為了妃嬪。

劇中有幕出浴戲,拍攝當日天氣較涼,加上娜姐於拍攝前後兩天加起來只睡了1小時,所以很易生病。但一向博殺的娜姐一點也不鍚身,非常敬業樂業!

今次係娜姐第一次拍電視劇,而古裝造型嘅娜姐望落都幾靚,未知觀眾又期唔期待佢嘅演出呢?

周秀娜𡃁模出道

現時33歲的周秀娜(娜姐)2009年出道,當時就有「翻版樂基兒」之稱,樣子甜美且身材火辣,經常狂騷32D胸器,好快就成為知名模特兒。當年推出寫真集《Kissy Chrissie》引來全城熱話,一張又一張爆乳靚相陪伴不知多少男孩變男人。

刷牙刷到滴牙膏呢張都算經典,相信唔少人都仲記得,皆因睇到人心癢癢。

當年嘅娜姐無論係拍廣告,抑或出席活動,都會大騷「胸器」,真係睇到人眼定定!

就連出席電影頒獎禮都會不經意咁「倒奶」,真係有身材,就算點都擋唔住。

周秀娜轉型跳入公仔箱

其後,隨住娜姐告別寫真界後,亦遂漸收起性感,由年青活力性感嘅𡃁模轉變成電影女主角。2014年時,娜姐接拍電影《分手100次》,除了劇情引起不少觀眾共鳴外,娜姐更因該角色令形象大逆轉,因其內心戲非常豐富,演技開始備受外界關注。

拍攝期間娜姐死忍滾水淥腳,直到導演叫cut機,大家先發現佢對腳變咗做紅燒豬髀,認真專業。

周秀娜提名香港電影金像獎最佳女主角

娜姐今年憑演出彭秀慧的《29+1》被獲提名香港電影金像獎最佳女主角,可謂係娜姐多年來演得最出色的電影作品!

金像獎

片中林若君一角,成功演活現代香港女性喺30歲呢個關口時,心態上的轉變、或是對未來的無奈和迷惘,令人眼前一亮,且心有共鳴。雖然娜姐未能贏得金像獎影后獎項,但提名絕對係對佢演技嘅一個肯定!

金像獎

 

 

延伸閱讀:

真假范冰冰傻傻分不清 英國傳媒錯將整容網紅當做范冰冰登相

陸永細女5歲生日 陸永嫂:全家最愛嘅小寶貝!