周秀娜俠女「入宮」新發現 馬國明原來好幽默!

東方日報
為了讓父母在電視機看到演出,周秀娜決定作新嘗試拍劇。

女星周秀娜首次拍劇在公仔箱登場,與馬浚偉及胡定欣大搞三角關係!雖然身為劇集賣點,惟未能現身宣傳活動與演員分享成果,她坦言不開心。講到與一眾新面孔合作,她最難忘「天然呆」馬國明夠幽默,令她充滿驚喜!

周秀娜(Chrissie)參演無綫劇集《宮心計2深宮計》,將於今晚播出的一集以俠女造型首次亮相,並與馬浚偉比劍定情,將以華麗的宮廷造型與王后胡定欣大鬥心計,對電視觀眾而言充滿新鮮感,令人期待!

最享受「雙心」時光

原本是劇集話題之一的Chrissie,因所屬經理人公司與無綫鬧官司而「被缺席」宣傳,演員被動可想而知,其遭遇令人感無奈!她亦坦言為此感到不快,皆因少了機會與劇中好姊妹劉心悠及黃心穎團聚,又說:「有工作人員為我做咗好多宣傳,依家咩都用唔到,最戥佢哋可惜。」她特別享受與「雙心」合作的時光,又表示拍劇有驚人發現:「同佢哋啲戲比較輕鬆,其他時候都係比較繁重嘅對白,而最估唔到,係馬國明本人原來好幽默!」

為父母挑戰公仔箱

Chrissie透露今次參演電視劇只出於一個簡單原因:「其實都係想畀父母喺電視機見到我,今次算係一個好好嘅訓練,因為劇集有多啲時間同角色一齊成長,演出上比較多起伏,係一個幾大嘅挑戰。」她又指向來少演「女人戲」:「今次角色都有少少似我,女人之間明爭暗鬥真係好少,以往通常都係演女強人、個性比較剛強嘅角色,同男人做戲多。」

場地:馬哥孛羅香港酒店

造型:Three Floor

髮型:Angus Leung@hip hair culture(Cwb)

化妝:Circle Cheung@ndnco.co

周秀娜享受拍劇,只嘆冇份孖劇中拍檔宣傳造勢。
馬國明幽默先係我本性!(設計對白)