周潤發做行山教練?

東方日報
戴口罩現身醫院的周潤發,講到工作時,不失幽默。

影帝周潤發昨午現身養和醫院,戴黑色口罩的他透露探望母親,他說:「佢入去身體檢查,聖誕節後就出院。(媽咪身體冇事嗎?)90幾歲,老人家病。(同佢做冬?)頭先同佢食咗嘢。(唔使戒口?)唔使,依家咩都打爛晒(指食物),條喉直入,等佢餵番糊仔就走。(專登嚟陪佢?)佢好精靈,仲趕我走添呀,太太尋日有嚟探佢。」

正在休假的他表示未知何時「復工」,又笑言有意退休轉行當行山教練:「依家娛樂圈開始式微,我講緊自己啫!平時同啲藝人朋友行山,最新條o靚係阿鮑(鮑起靜)。」