周柏豪險頭着地差啲天國見

東方日報
周柏豪與連詩雅以型格打扮出席慶祝派對。


正進行世界巡迴演唱會的周柏豪,同時要兼顧拍劇,身心疲倦的影響下,自爆綵排第10場上海站時做後空翻險出意外,事後拍晒心口直言好好彩,否則天國見!


歌手周柏豪前晚出席《星光熠熠耀保良》直播騷,剛完成第11場巡演中山站的他表示當日凌晨4時才返港,立即就要到紅館綵排:「都有啲攰,等陣要開吓聲。」又自爆於上海站發生的驚險事,綵排後空翻動作時差點頭先着地:「好彩有條帶拉起我,如果唔係(個頭)直接落地,就返唔到嚟香港,就天國見㗎啦!」他解釋因拍戲太攰,加上前九場都成功做到,心理上有所鬆懈:「係練少咗,所以到中山站同自己講要報仇,最後都做到呢個動作,我唔會畀自己衰退!」現時剩下四場巡演,接下來要開拍多套電影,問到再賺多層豪宅?他笑說:「希望係啦!依家啲樓價都回落咗少少,度度都係心水物業。」


而柏豪昨日出席生活品牌慶祝派對,指綵排差點出意外的消息曝光後令歌迷非常擔心,紛紛叮囑他日後切勿再做危險動作,但他認為苦練多時,絕不希望「揸流攤」。同場的連詩雅被問到與音樂人徐浩戀情,她只稱現時各方面都很快樂,但暫時會以工作為首。


許志安畀人吊嗌怕怕


另外,歌手許志安、張敬軒、王灝兒(JW)與曾樂彤等亦有出席保良騷,其中畏高之人安仔與JW分別都被吊起演出,大叫怕怕,但為效果都豁出去挑戰,安仔說:「依家都唔敢吊威吔,愈嚟愈細膽,唔能夠逞英。」問到寧願露肉都拒絕吊威吔?他打趣話要誓死保住「牌坊」:「咁我寧願畀人吊!」


性感打扮的JW笑言是極限,連男友Tarzan都未曾過目:「佢冇『限衫令』,而我嘅底線好高。」至於孖軒仔演出懷舊歌舞劇的樂彤抵死笑說:「上台之前去晒廁所喇!唔使幫我Key條尿片上去!」首次踩上紅館舞台的她激讚師兄提點了自己不少,大派定心丸。

許志安被吊高獻唱,睇落淡定實則驚驚!
JW「瞞住」男友,以大Deep V示人。
曾樂彤、張敬軒與鍾舒漫表演歌舞籌款。

 

是日精選

莊思明收死亡恐嚇

只想用廣東話拍劇-係咪台慶劇無所謂-張衛健唔知-大帥哥-幾時播

甩拖江美儀驚爆有情緒病

陳凱琳出盡力拜金禁老公搶鏡

單文柔婚前派對變公主

56億全捐出-周潤發-月花3千2-nokia手機用17年才換

網民-靚仔過劉德華-今次真係無陰謀-鄭子誠化身-生態情人

王菲帶孻女遊香港掃名牌-李嫣豪花10萬網上炫富