周柏豪解「封」:望回復開心情緒!

東方日報
周柏豪笑笑口揮手,落力宣傳。

早前因社會事件言論成為網民狙擊對象的藝人周柏豪,每逢出席活動都封嘴拒受訪,惟前晚現身無綫劇集《多功能老婆》宣傳時終開腔!談到早前清空社交網,近日才「復出」甫劇集宣傳及貼上「止暴制亂」文宣,被不少人議論紛紛,他表示未有特別看留言:「呢個係我嘅立場,希望香港快啲回復本來嘅寧靜,冇人想住喺一個暴力地方。(你嘅表態同內地工作有關?)香港人都唔鍾意暴力,暴力係情緒嘅抒發,唔係解決問題嘅方法,希望香港所有人能夠平安,回復開心情緒。」

同場的洪永城對於被黃翠如在台慶爆他下體長度,他笑指非事實毋須回應太多:「佢根本冇睇過,電視畫面都要用個好大嘅哈哈笑公仔先遮到啦!(蕭正楠都爆你鍾意全裸?)我的確好愛我嘅身體,有啲自戀,後生時瘦啲可以露,要搵女朋友做Gym操吓先全裸到。(有冇諗過即場露下體證明?)呢度?哈哈!唔需要,無謂嚇親大家。(女友滿意?)大家都開心囉!」

洪永城與朱晨麗齊齊嘟起嘴仔搞笑!