周星馳趕拍《喜劇之王2》 主角陣容面目全非?

東方新地 - 娛聞

周星馳經典作品多不勝數,無論電視翻播幾多次,有時都真係忍唔住坐定定再睇,《喜劇之王》就係其中之一!最近有消息指星爺已拍板開拍《喜劇之王2》,佢本人當然唔會再做男主角啦,所以搵來三位內地演員擔正,唔知大家點睇呢……

撰文:東方新地|圖片:新傳媒、微博、電影截圖

延伸閱讀:

錢小豪有骨氣拒接拍呢啲廣告 網民:呢啲先叫做有良心嘅藝人

【童年崩壞】馬份、哈利波特合照驚現「大叔樣」 網民:老咗40年喎!

《喜劇之王》超經典

星爺近年已退居幕後,觀眾已多年未有機會在大銀幕上看到其演出,不過星爺多部經典作品早已深深留在觀眾心中,翻睇又翻睇不在話下,甚至連啲對白都背熟晒!而《喜劇之王》,亦是唔少香港人的集體回憶!

星爺近年已退居幕後。
喜劇之王

《喜劇之王》場面 (難以盡錄)

星爺同栢芝呢一幕確是深入民心!
喜劇之王
Sunny哥及霞姨
龍少:我要初戀呀~
呢廿蚊,慶功!食牛雜!
「對唔住,我係臥底。」

《喜劇之王2》 主角陣容面目全非?

今年星爺全力趕拍《美人魚2》,不過該片需要用上大量特技,後期製作需時,所以未能趕及2019年賀歲檔上映。故星爺近日亦已拍板開拍《喜劇之王2》頂上!星爺自己當然唔會再演主角,班底亦都唔可能再見到莫文蔚、張栢芝,所以據知會搵來三位內地演員擔綱主演,男主角王寶強更是星爺親自邀請!

至於兩位女主角,就分別為39歲內地女星姚晨、以及近年甚得星爺重用的「星女郎」林允!由於時間緊迫,星爺只負責《喜劇之王2》監製,並由邱禮濤導演執導。邱導喺行內出晒名係「目標王」,拍電影極少超支或超時,加上《喜劇之王2》並無特技場面,相信可以如期上映俾大家欣賞!

內地女星姚晨
林允日前於微博post出讀劇本的照片但就故意將劇本打格仔,相信係星爺下唔准洩露風聲!
但相信邊一位女星演出也好,都難以取代張栢芝喺香港觀眾心中的地位?

延伸閱讀:

曾經係周秀娜強敵!尹蓁晞Yumi暴肥臃脹重出江湖 加細碼變咗XXL大變面…