周志文堪稱TVB「集郵王」 9大緋聞女友個個女神級

東方新地 - 娛聞

喺2009年參加大台《超級巨聲》嘅孖仔周志文周志康兩兄弟﹐當年一齊加入大台做藝人,可惜大孖周志文緋聞太多,最終更在2015年被大台提前解約。近日一班TVB藝人出海開船P,周志文就被影到疑似與劉佩玥水上激吻!細孖周志康早已成家立室,不過大孖周志文感情未有著落,歷年來至少出現過9位緋聞對象!仲要位位都係女神!

原文:娛聞樂|圖片:東方新地、Instagram

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

張繼聰教定一歲囡囡拒絕男生 大讚有老婆風範?

先講「細孖」周志康

先講講「細孖」周志康,佢多年一直冇乜緋聞,皆因一早已認定富家女盧芷茵(Emily)。兩人2014年奉子成婚,現育有可愛囡囡Emma,一家三口非常幸福!

Emily而家係ViuTV《Girls’ Talk》主持。
Emily仲不時喺網上放閃,一家三口好Sweet!
細孖就快再做爸爸喇!

「大孖」周志文有「花王」之稱,出道以來緋聞冇停過,依家一齊細數大孖歷年來9位緋聞女友,9位都唔同口味!

袁紫僑

袁紫僑前名袁聖殷,英文名CoCo,係周志文唯一承認過嘅女友。澳洲長大嘅佢,來自上海嘅富有家庭,2011年來港做𡃁模,曾為女團「LemonBeez」及「少女標本」成員。入行不久就承認同大孖拍拖,不過喺2012年,大孖喺上海拍攝劇集《名門望族》期間疑似同馬賽撻著,搞到Coco要急急飛去𥄫實男友,同年戀情玩完。女方其後同賭王之子何猷君撻著後又分手。

馬賽

重慶姑娘馬賽於深圳長大,早年以內地生身份就讀浸會大學﹐於2008年參選港姐並獲得季軍。馬賽加入大台被受力捧,2012年拍攝《名媛望族》時被指與大孖搭上,搞到大孖正印袁紫僑要飛去上海「捉姦」,不過二人由此至終都未承認戀情。女方於後來2013年與內地製片人汪子琦、富婆Laura嘅she she she三角戀導致形象直插谷底,敗走香港娛樂團。

傳二人拍《名媛望族》時撻著。
馬賽早年為艷舞片流出於TVB見傳媒。

莊思明

拿督女兒兼港姐季軍莊思明喺2011年時,曾被拍到同大孖一齊行街睇戲,表現親暱。

莊思明更自爆為東華三院籌款時,大孖以「無名氏婆婆」捐出1000元支持佢,不過佢就堅稱兩只係好兄弟。

莊思明同現任男友楊明sweet到爆,睇下幾時宣布拉埋天窗!

蔡思貝

2013年港姐亞軍蔡思貝出道以來就有「姣精」之稱,緋聞男友一大籮,包括鄭俊弘、溫家偉、周志文、羅仲謙、沈震軒等,曾承認同舞蹈總監麥秋成拍拖。2016年時,佢被影到同大孖出相入對,其後更「融入家中」,不過大孖就同人講佢哋只係去Jam歌喎!

好朋友一齊睇戲~
蔡思貝最近又剪番短頭髮~大家覺得如何?

何雁詩

據知何雁詩同周志文識於微時,兩人都係大台《超級巨聲》出身,比賽時至出道初期曾傳緋聞,後來不了了之。

當年一眾《超級巨聲》參加者,大家認得幾多個?

王嘉儀

同屆《超級巨聲》出身嘅王嘉儀Sophy都同周志文傳過緋聞。

相比其他緋聞女友,Sophy唔算省鏡,不過唱得作得,加上中大法律系畢業,叻女嚟,大孖真識黐~

陳瀅

陳瀅最廣為人知嘅前度就好似只係有賭王四房公子何猷亨,不過2015年周志文被大台解約時,陳瀅被傳係大孖力追對象之一。

寫真集《半透明的舞孃》
呢張經典照又點少得?

吳若希

周志文被解約前最後一個緋聞女友,當時盛傳吳若希發現周志文「一腳踏兩船」後,去搵大台高層告狀,搞到大孖被炒~ 後來大家都知,吳若希同澳門闊少何兆鴻奉女成婚,其後誕下女兒Giselle。

有傳當年吳若希向高層報串,搞到花心大孖失業。

一齊去玩~

劉佩玥

2013年港姐季軍劉佩玥,緋聞多到不得了,係大台出晒名愛「收兵」嘅娘娘。今年三月阿Moon被拍到同周志文喺淺水灣疑似拍拖,最近又被影到喺船P疑似激吻,不過二人至今都未就事件回應,大孖係當兵定係拍拖,暫時就只有當事人先知了。

之前仲一齊去上海玩。

 

 

延伸閱讀:

今個月係預產期!準靚媽Rosemary陀巨肚池邊開P