呢班女星憑飾演醜女突圍 重溫無綫劇集醜女角色

無綫靚女眾多,女藝人為咗突圍而出,不惜突破形象,挑戰醜女角色,等我哋同大家數下有邊個扮過醜女,而成功令大家留下深刻印象啦!

蔡思貝《踩過界》

蔡思貝喺《踩過界》中飾演哨牙醜女刀疤癲姐,造型似足《食神》中嘅火雞姐,獲得到唔少人網民欣賞。

何傲兒《波士早晨》

《波士早晨》中何傲兒飾演李佳芯嘅孖生家姐阿鳳,化身為又黑又哨牙嘅醜女,「自毀」靚女形象。網民話佢醜到認唔到佢,見到佢直頭食唔落飯。

湯盈盈《阿旺新傳》

湯盈盈喺劇中一改靚女形象,飾演面上有好多雀班、滿頭油髮,再上倒及牙醜女李笑好,佢憑依個角色奪得「最佳女配角」。

樂瞳《平安谷之詭谷傳說》

曾經出過性感寫真嘅樂瞳喺劇中飾演牛屎妹一角,要將全身噴黑,還要食過期饅頭,一改靚女形象。

甄穎珊《果欄中的江湖大嫂》

前性感女子組合Freeze成員甄詠珊喺劇中飾演果欄做嘢、惡形惡相嘅女人,經常披頭散髮,皮膚勁黑,塊面又勁多斑,唔少網民都話完全認唔到佢係邊個。

劉思希《迷》

《迷》中飾演大牙肉醜女肖小紅嘅劉思希,除咗醜之外,仲發姣濕身透bra嗲金剛,備受網民讚賞。

吳沚默《老表,你好hea!》

吳沚默喺劇中飾演粗眉、滿臉雀斑、油到反光嘅頭髮、黑牙妹烏笄。

呂慧儀《老表,畢業喇!》

劇中呂慧儀飾演對阿Bob癡心一片嘅醜女D Chan。其實造型都唔算太醜,只係平蔭頭配上超厚眼鏡,加上一身老土服飾。

陳妙瑛《無頭東宮》

經典劇集《無頭東宮》中陳妙瑛無端端俾人換咗個樣變成「鍾無艷」,面上有大胎記同大粒癦。雖然造型唔算太醜,但演技十足。

黃心穎《雜警奇兵》

女神心穎BB搖身一變成為一位戴厚眼鏡,成面生曬痘痘兼鋼牙嘅醜女爆谷。真係嚇親一班巴打。