呂慧儀、張景淳元宵又放閃!「龔水戀」自製12張情侶海報超越《愛回家》

呂慧儀、張景淳除了在《愛回家》飾演情侶外,現實中二人的親密關係亦備受關注,本刊上月報導過二人拍攝期間戲服都唔換撇甩劇組撐枱腳,最近又流出一條二人在化粧間甜密擁抱的短片,來到元宵節,張景淳更一口氣放出12張情侶Poster,似乎有意大方公開兩人的關係⋯⋯

圖文:東方新地

李佳芯轉貼呂慧儀、張景淳放閃短片

日前李佳芯的IG轉貼了二人在化粧間的擁抱影片,片中呂慧儀負責自拍,然後張景淳從後突入箍頸摟抱呂慧儀,女方情不自禁流露甜笑,畫面還要加上閃光突效,短片一度引「龔水戀」粉絲轟動,到底係採排定係情不自禁?由於指攝地點係化粧間,真係可以「彈出彈入」任由觀眾演繹:

呂慧儀、張景淳元宵又放閃!「龔水戀」自製12張情侶海報超越《愛回家》
連環圖!

借粉絲「龔水黨」改圖表心意

2月8日晚是今年元宵節,張景淳在個人IG張貼了粉絲「龔水黨」的改圖並留言:
「祝大家元宵佳節快樂🏮🎆🌜🍡
有一個甜蜜的週末。
在外要戴口罩勤洗手。

特別喜歡日本風設計的改圖
thanks 龔水黨改圖的 」

元宵放閃
元宵放閃
元宵放閃
元宵放閃
元宵放閃
元宵放閃
元宵放閃
元宵放閃

粉絲開心回應:

  • 點解你地d fans可以咁talent?!
  • 元宵節快樂 啲P圖好靚 😻
  • 改圖好正🤣🤣🤣🤣🤣,仲要咁多張😍😍😍
  • 元宵節快樂呀!🧡
  • 祝願人人都身體健康!☀️

前文提要:38歲張景淳鬼祟偷運37歲呂慧儀 衫都唔換撇甩劇組撐枱腳

呂慧儀自從去年3月宣布同前夫黃文廸已辦理離婚後,因拍《愛·回 家之開心速遞》同劇中CP張景淳極速撻著,「龔水戀」戲裡戲外都咁Sweet,今個聖誕張景淳呂慧儀繼續糖黐豆,兩人黐實開工都 唔夠,日前趁拍劇中途放break,呂慧儀著住 戲服衫都唔換,急不及待撇甩「家人」劉丹、蘇韻姿等,極速竄上男友座駕後座,由張景淳偷運出外撐枱腳,全程高度戒備,上落車刻意前後腳,拍拖都唔敢有一刻鬆懈,唔通真係怕再揀錯郎?!唔放心認愛!

撰文、圖片:東方新地

呂慧儀怕再受傷不敢認愛 張景淳未過試用即暗媾張秀文

不過,經過失婚打擊,呂慧儀即使沐浴愛河亦保留一線,始終唔想因為自己戀情影響兒子生活,本來仍是試用期的張景淳,今年九月被踢爆暗冧電視城姣精張秀文,事件傳到呂慧儀耳中,兩人感情陷入冷戰。不過,姣精張秀文原來只是過客,早前張秀文有份拍攝新劇《木棘証人》,她即轉向人夫羅仲謙埋手,張景淳趁機氹番掂長腳蟹。

在《愛 •回家之開心速遞》由鬥氣冤家變情侶,張景淳呂慧儀拍攝劇中一場咀戲時,咀得非常肉緊。
張秀文識於微時的張景淳,有指近月同女方關係變親密,張景淳更經常瞞住呂慧儀到訪張秀文香閨!

媾女王張景淳成氹掂呂慧儀衫都唔換撇甩劇組撐枱腳

為滿足今年開始一周播足七日的《愛•回家》,聖誕假期劇組都在工作中度過。Boxing day當日,一早回廠開工,放lunch break,呂慧儀撇甩 「家人」劉丹、蘇韻姿、單立文及湯盈盈等,著住和服衫都唔換,孖住張景淳一齊急步行去停車場攞車出外撐枱腳,更刻意唔坐在司機位旁邊,竄上後座校低座位,外人在前面視線望埋去,一定難以發現她的蹤影,由張景淳偷運出觀塘,車一到埗呂慧儀更一支箭落車急步衝入餐廳,張景淳則逗留車內十分鐘才下車,行去餐廳時更緊張四圍望,慌死被人發現。

當日通告所見,呂慧儀明明同她口中的家人劉丹、蘇韻姿、單立文、湯盈盈一齊開廠,不過,為同張景淳二人世界,呂慧儀刻意飛甩家人,鬼祟外出。
身穿日本和服的呂慧儀,為爭取時間和張景淳撐枱腳,連戲服都換唔切,就撇甩情同家人的《愛 ‧ 回家之開心速遞》劇組同事,由張景淳偷運出觀塘食晏。
偷運呂慧儀外出撐枱腳,張景淳時刻保持警覺,無論坐在車內以至上落車都緊張四圍望!
在將軍澳電視城內,二人最稍為放鬆防線,並肩行去停車場攞車。
張景淳負責揸車,呂慧儀跳入後座,坐在司機正後方,然後把座椅向後挨低,動作流暢熟練,若在前方望入車廂,身形高䠷的呂慧儀完全被前方遮擋,成功掩人耳目。

兩人甜蜜進餐一個小時,再度前後腳離開,今次輪到張景淳率先離開餐廳行去 攞車,臨上車前亦警覺甚高,四圍𥄫才開車去接呂慧儀,而負責埋單的呂 慧儀,目不轉睛向外望到實,校啱時間車一到埗極速衝上車,繼續前後座 坐,飛車一齊返回電視城繼續開工!總算順利共度boxing day!

到達目的地,呂慧儀同張景淳亦刻意前後腳落車行去餐廳。
呂慧儀、張景淳元宵又放閃!「龔水戀」自製12張情侶海報超越《愛回家》
在日本餐廳內接近一小時,張景淳先行步出餐廳,撐完枱腳笑容寧舍燦爛,急步走去攞車。
呂慧儀邊結帳邊望向外,等張景淳車一到即9秒9出門口。
雖然身穿木屐,但步履輕快跳入張景淳的七人車後座,時間校得剛剛好。

下一頁:張景淳未過試用曾暗媾張秀文 向蟹籽入手成功氹返失婚呂慧儀

相關文章:呂慧儀蟹媽變虎媽 單親教仔壓力爆煲

相關文章:蟹籽恩准行埋 呂慧儀張景淳戀情浮面

延伸閱讀:

2020農曆年開工吉日吉時排行榜!在家工作者亦要留意

口罩缺貨「兩盒,Thx! 」爆笑抽水回應大圖集