吳雲甫不避「炎」結婚

東方日報
吳雲甫愛在瘟疫蔓延時,昨日娶老婆!

38歲前港男吳雲甫(Owen),昨日與拍拖未夠一年的瑜伽導師女友林瑋如在尖沙咀文化中心簽字註冊結婚,雙方家長及親友見證,新人交換戒指後簽字,並深情一吻,在新冠肺炎肆虐下成婚,特別難忘!

Owen與太太已有共識婚事低調進行,晚上沒擺酒,只與親人簡單吃飯,並返外家做回門儀式:「佢屋企人喺泰國,我嘅親人部分喺加拿大,可能會喺呢兩個地方同香港補擺婚宴,日子就要視乎疫情情況。(心情緊張?)唔算,尋晚我仲獨自喺屋企睇波,太太就返外家上頭,今朝接新娘我都冇叫好多兄弟,費事佢哋捱夜睇波仲早起,我自己搞掂,由啲親戚嘅小朋友主持,過程都好搞笑好多蝦碌,但開心嘅。」

舊愛發文唔係「贈(興)」

他說簽字時才開始緊張:「好似拍戲遇到啲大前輩咁,我宣誓仲冇老婆講得咁順。」拍拖不久便結婚,他大讚太太性格好,大家都愛運動,非常投契,又想早日生BB。

到場觀禮的前有線主播陳如楓,指新人非常恩愛,無懼疫情註冊,既勇敢又浪漫!此外,Owen舊愛近日發文以「拍拖多年的男友」作比喻,講及一些分手錢銀轇轕問題,Owen回應指兩人關係友好,而她亦有在其健身中心兼職,相信對方所指的是前僱主。

戴上婚戒,女友正式成為吳太。
新娘林瑋如係瑜伽導師,與吳雲甫影高難度婚照。