吳若希拍旅遊節目 無視警告標語照摸旅行箱 網民:又失禮港人

由吳若希、林穎彤、台灣女主持沈韋汝及牟韻潔主持嘅節目《東京血拼攻略》喺噚晚首播,內容主要帶大家去睇地道潮店、outlet同埋去食魚生刺身。香港人咁鍾意去日本,呢類型節目緊係長做長有啦,不過睇完節目後,唔少網民都鬧爆吳若希行為失禮。

話說噚晚,佢哋就去咗二手名牌專門店,介紹平靚正嘅筍貨。期間唔知吳若希係睇唔到,定係佢英文麻麻地,佢無視店舖嘅英文警告標語。明明人哋已經貼咗兩張「Please Don’t Touch!」標語,但係佢都直接兩手摸呢個價值1500萬日元(約100萬港元)嘅名牌旅行箱,仲要話:「我就冇錢買你,摸吓都要㗎!」

唔少網民睇到佢呢個咁失禮嘅行為,紛紛鬧爆佢:「又失禮港人」、「冇腦」、「可能唔識句英文呢」、「呢件高文化港女,應該早已沒期望」及「文盲」等等。