吳浩康翻撻鍾舒漫? 必定係我行第一步

東方日報
吳浩康早前力邀鍾舒漫去露營,深情對話完就有啲嘢。

歌手吳浩康早前與「前度」鍾舒漫到大帽山露營深情對話,片段感動網民,希望二人復合。吳浩康昨日沒有否定「翻撻」的可能,但亦自責傷害得對方太深,不知怎樣面對她的父母。

吳浩康(Deep)與鍾舒漫(Sherman)甩拖後再見亦是朋友,上月更到大帽山露營,深情對話時更講到喊,令網民感動。昨日Deep出席保良局「關懷長者心」地區安老活動,他說:「佢係我Camping片嘅第一集嘉賓,搵佢因為會多啲嘢傾。(網友話片段好感動?)自己睇番都感動,因為好難抽身用第三身角度去睇番兩個人嘅相處。(愛嘅感覺返咗嚟?)傾完會有好多以前畫面嘅記憶。(消除咗芥蒂?)坦白講喺呢段關係上,我有咩資格有芥蒂,希望佢心裏面都有啲嘢可以放得低,會舒服啲。」

「Never say never」

單身的Deep更沒否定與Sherman「翻撻」的可能性,他說:「Never say never,但唔係單方面,好多嘢會諗清楚,等到啱先。Sherman嗰度如果有咩跟進,我會主動update大家。(主動行出第一步?)如果真係有機會嘅話,一定係我行出第一步,就算佢行先,我都唔會畀佢行先,多謝大家關心。」他讚Sherman是好女仔,但他指自己錯過,對她傷害很深,最大心理關口是不知怎樣面對對方父母。本月26日在澳門百老匯開騷的他會爭取10月在紅館開騷,問可有邀請Sherman到澳門睇騷?他說:「佢應該去咗旅行,唔喺香港。」

陳曉華聽長者分享

港姐陳曉華、鄧卓殷、陳靜堯亦有到場支持,陳曉華指過往做實習護士時接觸最多長者,她說:「佢哋會同我分享愛情故事,初戀、拍拖、結婚都係同老公,聽到都覺得好Sweet。」

吳浩康會否翻撻鍾舒漫,要睇佢幾時行第一步嘞!
睇你喇!(設計對白)
三位港姐鄧卓殷(左起)、陳曉華及陳靜堯靜待無綫安排工作。