吳業坤預告有得咀 陳曉華落閘保「初吻」

東方日報
陳曉華講明揀何廣沛(左),吳業坤冇行喇!

何廣沛與吳業坤在新劇爭女,廣沛自誇有眼光,由上套劇的朱晨麗到今次的陳曉華都是冠軍級;而吳業坤則未敢作比較,但對單身的陳曉華雙眼發光,得戚預告將有親吻戲!

何廣沛、陳曉華(Hera)、吳業坤、曹永廉與黎燕珊等,昨日出席無綫新劇《異搜店》造型活動,已三度合作的廣沛及吳業坤今次再度爭女,但女主角由朱晨麗改為Hera,連廣沛也忍不住讚他們眼光好,以港姐冠軍為目標,惟吳業坤連聲否認。

問到朱朱與Hera哪個較標青?吳業坤一臉尷尬說:「我唔想得罪朱朱,又驚畀廣沛打喎!」劇中演醫生的他,自爆與Hera有親吻戲,問是否自薦加戲?他笑說:「我會問咗Hera先,唔想影響我個清純形象。(刪咗咀戲囉!)又唔好,我真心開心嘅!」問到Hera是否其理想對象,他即大讚對方條件不俗,記者指Hera現時沒有拍拖,他更雙眼發光:「係咩?曉華!曉華!」

黎燕珊讚有禮

而首度擔正女主角的Hera,對於咀戲笑說:「輕輕一吻。(再激烈接唔接受?)睇係咪劇情需要,不過我個螢幕初吻都仲保到。(頭先吳業坤話鍾意你,咁你現實中揀佢定何廣沛?)揀何廣沛,之前同佢合作過,佢好識照顧人,吳業坤就冇太多接觸。」而飾演Hera媽咪的黎燕珊,大讚她有禮貌、人又甜,期待擦出火花。

陳曉華黐實「媽咪」黎燕珊培養感情。