吳業坤想食天娥肉

東方日報
口花花的吳業坤,今次當然不放過商天娥。

無綫新劇《BB大晒》演員商天娥與吳業坤昨日在將軍澳電視城錄影節目,商天娥與吳業坤拍照是隔空抱抱,避免接觸,相當搞笑,吳業坤笑說:「疫情嚴重,所以減少接觸,惟有同娥姐『神交』。」

講到拍劇風險,商天娥笑言有演員口水多過浪花:「有啲人講嘢會噴好多口水,遇到呢啲演員就要企遠少少,不過吳業坤就冇噴口水呢個問題。」吳業坤笑說:「我唔想有新緋聞啫。」商天娥笑說:「唔係嘛,我結咗婚,好彩我先生今日冇嚟。呢個人有啲幽默感,之前拜神佢叫我做天娥,我屋企人都未試過咁叫我。」吳業坤又笑言對於在新劇《BB大晒》中與商天娥沒有床戲感到失望。