吳業坤假公濟私搵日模實戰

東方日報
吳業坤做足預防措施,阻止病菌埋身。

歌手吳業坤昨日到電台宣傳新歌《玩具成熟時》,戴住口罩的他甫入訪問室,就拎出消毒噴霧周圍噴,笑言有高水準的衞生防禦意識:「依家係季節性轉變期,唔想再病,宣傳期去到邊都會戴口罩,隨手有消毒搓手液。」坤坤指前晚出席頒獎典禮,見到好多舊朋友:「見到馮盈盈都有關心吓佢。(想追人?)安慰啫!見到鄭俊弘同何雁詩亦有恭喜。」續笑言乘機向坐旁邊的森美埋手,要求對方於電台節目內播其新歌,最終如願以償。

雖然坤坤冇份演出新歌MV,但計仔多多的他有意物色日本Model再拍:「試吓玩Cosplay,遲啲去到新公司希望可以假公濟私,識吓啲日本朋友,喺音樂、心靈上交流吓,哈哈!希望多啲機會去當地實戰。(已同新公司簽約?)了解中,未成事,小器嘛!冇咗咪死!」