吳卓羲爆《飛虎》第三輯大換血:會有安仔

咁快就爆料!唔好劇透喎你!

藝人吳卓羲(Ron)今日到電台宣傳劇集《飛虎之雷霆極戰》,問到有否劇透時,他笑言半年前已看過,但不太記得內容,講到劇集少宣傳活動,他解釋:「唔係,只係因為禁聚令關係,而且之前拍咗好多集《飛虎同學會》已經係宣傳。」他稱聽聞劇集收視不俗,講到《飛虎》第三輯,Ron透露原定三、四月開工,但因疫情而延遲,預計七月初開拍,他大爆會有幾位視帝加盟:「會有安仔(郭晉安),女演員就會全部換新,有啲我都未合作過。(好期待?)好期待,又可以同三哥(苗僑偉)合作,依家有工開已經好感恩,又可以同班好兄弟合作。(新女拍檔擔唔擔心傳緋聞?)仲細咩?!冇人傳,拍完就冇人講。」

女演員就會全部換新。
仲有幾位視帝加盟!
其中一個就係安仔,郭晉安!

講到好兄弟黃宗澤被指追求同劇的余香凝,他力撐對方:「佢之前都回應咗,佢話係夾硬砌佢,背脊骨落,我相信佢,佢話冇就冇,我都冇見過佢咁大反應,我拍劇時有留意佢,佢朝早拍完劇,夜晚又要打理間餐廳,邊有時間。」

仲幫口指黃宗澤冇亂溝女。

至於另一兄弟馬國明拍拖,他戥對方開心,並表示:「佢好叻仔,緣分冇得講。(你恨唔恨?)恨又點,有先得,我緣分未到,點去渴望都冇用。(叫三哥介紹?)佢都冇時間,佢要照顧三嫂。」