吳亦凡降呢「姨媽系男星」?凸肚撐爆西裝

凡……係時候Keep喇!

內地藝人吳亦凡早年以韓國男團EXO成員身份出道,憑高顏值及高冷外型被網友尊稱「天神」封號,不過近半年佢施展「鬼影變幻樣」,時肥時瘦令人捉摸唔透,近月上電視節目時整張臉更明顯變腫,加上到外國出席時裝周時,一身粉紅女裝襯明牌手袋仔上陣,即被網友笑指肥到似大媽,仲被降呢做「姨媽系男星」,真係陰公。

但其實佢一直都有落力減磅,今年中秋節時,佢就喺社交網上載食沙律相,直言自己唔敢食月餅呢啲高熱量食物,當時將相就明顯瘦身成功,點知冇見半個月,有網友晒出與吳亦凡未修圖合照,見到佢不僅法令紋明顯,西裝外套腰位微凸,似足大肚幾個月咁,頗有翻脹「潛能」,惹得網友議論紛紛,笑指佢肚凸凸好似想撐爆套西裝咁,睇嚟佢今次減肥失敗咁款,不過亦有粉絲指係佢舉V時扯起咗件衫,係動作同角度問題啫。