否認吸毒 Justin Bieber自爆患萊姆病

Justin自爆患上萊姆病。

現年25歲的加拿大樂壇天王Justin Bieber昨日被傳將在月底播放的紀錄片節目中自爆患上萊姆病!Justin隨即亦於社交網Instagram(Ig)轉載報道並承認傳聞。

他留言說:「有好多人不斷話Justin Bieber個樣好唔掂,似吸咗毒等。但其實佢哋唔察覺到我最近患上萊姆病,不僅如此,唔單止係咁,我仲患有嚴重嘅慢性單核白血球增多症(chronic mono),影響咗我皮膚、腦功能、能量以及整體健康。我會喺紀錄片集度詳細解釋,我稍後會放上YouTube...你可以知道晒我一直對抗同克服!!呢幾年好艱難,但獲得正確嘅治療方法將有助於治療目前呢種無法治癒嘅疾病,我會回來的,比以往任何時候都更好。」暫時未知Justin怎樣感染到呢種病,萊姆病是由蜱蟲所咬引致的傳染病,初期病徵有皮膚出現紅斑、頭痛、發燒及疲倦,其後出現神經、心臟與關節病變。

除了Bieber之外,好多位名人紅星包括超模Bella Hadid、模特兒弟弟Anwar以及母親前模特兒Yolanda Foster都有患上萊姆病。Bieber嫂Hailey Bieber亦有於社交網Twitter回應老公患病一事,並留言多謝好友Yolanda與女兒Bella及Gigi給予有關萊姆病的資訊,並解問她對該病的疑問。而Gigi亦有回應:「我們樂意咁做,祝願最快速度康復。」