向樂易玲𢱑撈?麥明詩露肉派福利

「十優港姐」麥明詩,去年放棄做無綫親生女,改簽一年一show「綠葉約」,轉攻商界做OL,經過半年打工仔生涯,早前就傳出麥明詩嫌做打工仔人工奀,向無綫高層樂易玲𢱑撈,想重返無綫拍劇咁話!不過,麥明詩堅决否認傳言,更在IG Story寸爆留言話:「勤力返工冇乜邊個唔辛苦,但係有付出先有收穫!」直言想繼續現時專業工作!但否認還否認,麥明詩似乎仲好享受做大衆焦點,日前更po出三點式泳衣相大晒滑溜玉背,引得一班網民留言求正面, 「10A女神」食腦嘅!將來嘅嘢又點會咁易畀你估到吖!

內文:東方新地

麥明詩日前在IG晒出三點式泳衣背影,大晒fit爆身材。

現年28歲的麥明詩,15年挾住劍橋大學法律系「十優狀元」參選港姐奪冠,以高學歷女神姿態備受網民追捧,更一度與另一冠軍港姐馮盈盈鬥到你死我活;不過,去年麥明詩突然宣布放棄做無綫親生女,改簽一年一騷「綠葉約」,選擇學以致用做回老本行,在商業顧問公司做顧問工作,不過,成為OL上班族後,早前Louisa上《後生仔傾吓偈》節目,就呻爆話現時收入大幅下降,每朝要七點起身,做了這份工作先知打工仔辛苦。

有指麥明詩三月出席葉念琛的生日會,最大目的是求高層樂易玲畀佢返無綫拍劇。

呻到出晒面,近日就傳出麥明詩在三月的葉念琛生日會上,向無綫高層樂易玲𢱑撈,指她想再返無綫拍劇。不過傳聞好快就被麥明詩否認,更在IG Story留言話:「冇回巢想法!勤力返工冇乜邊個唔辛苦,但係有付出先有收穫,現時工作充實有意義!」更寸爆話:「想繼續現時嘅專業事業!」

否認向樂易玲𢱑撈想再拍劇,不過,麥明詩就以14日舊相challenge ,連環放出多張昔日性感泳衣照片。
連同宿敵馮盈盈一齊浸浴相都出埋。
向樂易玲��撈?麥明詩露肉派福利
向樂易玲��撈?麥明詩露肉派福利
向樂易玲��撈?麥明詩露肉派福利

堅決否認回巢係一回事,不過麥明詩仲係好鍾意向網民派福利,日前她就做影後,po出三點式泳衣照晒滑溜玉背,搞到班宅男起哄求睇正面!其實前排佢先有po性感舊相大行動,話係14日舊照challenge ,似乎仲係好留戀昔日工作美好回憶呢!

否認想再拍劇,麥明詩近日更大晒同家人聚餐相片,展示轉行後的充實生活。
向樂易玲��撈?麥明詩露肉派福利
向樂易玲��撈?麥明詩露肉派福利

延伸閱讀:

《那些我愛過的人》1-5集劇情:黃翠如學拳、爭產、賣保險,演技挑戰有伏線!

2021年香港公眾假期攻略+假期日曆;明年4個紅日在周六!