向基仔吐心聲想脫單!

東方日報

古巨基為支持方力申,出錢又出力,通宵冇瞓做柴可夫接載小方,又為他拍攝一段紀錄片。片段中小方自嘲面皮薄:「佢唔單止捐錢、接濟我,仲幫我去籌錢。」其時小方因頭痛貼上退熱貼,他透露已食止痛藥,之後還飲電解質溝暖水:「游水中間我要食鹽丸補充鹽分,再食止痛藥,以防肌肉痛楚。」

換泳褲前,他透露因長時間游水不知泳褲會否刮損,故要搽花士令潤滑劑。車程中,小方的鬧鐘響提他進食:「落海前三個鐘要食正餐,頭先食咗意粉,依家就食媽咪整嘅北方薄餅小食。」游泳期間,小方主要食流質食物,連香蕉都要整溶方便他啜,而全程有專人餵食,他笑說:「佢哋叫我最好搵老婆或女友,畀啲鼓勵同關心,準備啲嘢食一定唔可以錯,但我冇嘛,惟有搵個我唔憎嘅朋友囉!」他又向基仔訴心聲想脫單,因過去數月生活好有規律,早瞓、戒酒、戒甜,但愈有規律就愈悶蛋:「覺得自己好可憐,有顆lonely heart。」