【合照洩密】傳蘇皓兒與「女神收割機」羅天宇撻着 網民:New girlfriend?

羅天宇IG

蘇皓兒(Chloe)有「翻版周慧敏」之稱,近日喺無綫熱播劇《那些我愛過的人》中飾演學生妹「姜子優」而成功上位。Chloe唔止角色吸引人關注,佢嘅感情生活亦好精彩。兩年前被爆與王宗堯拍拖後,二人一直過住同居生活,早前又一齊經歷王宗堯被控,Chloe仍不離不棄,全世界都以為佢哋打風都打唔甩時,點知Chloe年頭宣佈分手,結束兩年情。

《那些我愛過的人》截圖

近日有傳Chloe同「女神收割機」羅天宇撻着,事源羅天宇喺社交網站分享打籃球相,相中有11人只有Chloe一個女仔,仲要坐喺羅天宇隔離,因而被人估佢哋撻著。網民馬上留言問:「New girlfriend?」,但羅天宇就無回覆。

羅天宇嘅感情生活相當精彩,同過林芊妤(Coffee)、苟芸慧及湯洛雯拍過拖,又同陳瀅、蔣家旻及戴祖儀等傳過緋聞,依家緋聞女友list再加埋Chloe, 真係位位都係女神級數,「女神收割機」呢個稱號真係當之無愧呀!

羅天宇
蘇皓兒