【叻靚醒齊晒】郭可盈林文龍囡囡10歲啦 遺傳父母優良基因

郭可盈與林文龍一家

郭可盈與林文龍喺2004年結婚,2010年誕下囡囡林天若(津津)。郭可盈喺婚後淡出娛樂圈,專心照顧家庭同津津,一家三口樂也融融。唔經唔覺津津今年已經10歲啦,佢完全遺傳晒父母嘅優良基因。

除咗讀書成績彪炳之外,津津仲遺傳埋父母個靚樣。近日津津10歲生日,二人幫個女準備咗生日派對, 上載咗一家三口嘅相上社交網站,津津真係愈大愈靚,對眼大大同臉形似足爸爸,但氣質笑容甜美同媽媽一樣,成個小公主咁。而津津都喺社交網站多謝爸爸媽媽俾自己嘅驚喜。津津真係又靚又乖又叻女,冇白費郭可盈放棄事業專心湊女。

囡囡林天若(津津)
郭可盈