《叱咤》頒獎禮取消謝安琪等安排

東方日報
謝安琪向來是頒獎禮常客,今年可以抖抖。

謝安琪昨日帶病出席活動,對於《叱咤樂壇頒獎禮》以參與者安全為由取消,改以其他形式頒發43個獎,活動前她在電話中表示:「作為歌手,我會靜心等待及尊重主辦單位決定。我亦相信,以任何形式頒發嘅獎項,對歌手及團隊都係一種鼓舞。」同場的陳柏宇打入「我最喜愛的男歌手」最後五強,他直言不知所措:「之前有兩個(頒獎禮)取消,諗住仲有一個,依家都冇埋,唔知畀咩反應,但都尊重大會決定,有冇獎攞好閒啫!」而森美則嘆可惜:「頒獎禮對我嚟講係大事,不過香港依家嘅環境同以往唔同,冇辦法,要顧及觀眾同歌手嘅安全,亦聽聞關保險事。」

除《叱咤》外,早前《十大中文金曲》及《新城勁爆》已宣布取消實體頒獎禮,現只剩無綫的《勁歌金曲頒獎禮》暫如期舉行,附屬的星夢娛樂唱片公司老闆何哲圖受訪時說:「頒獎禮暫定明年1月18日播出及公布獎項,但因為未有投票及民調結果,所以未同歌手度期,都希望有個頒獎禮畀歌手、歌迷開心吓!」