古巨基匿被竇唱毒男版《愛與誠》 單身巴打︰好治癒呀!

1 / 7
古巨基匿被竇唱毒男版《愛與誠》 單身巴打︰好治癒呀!

【晴報專訊】一向緊貼潮流的古巨基(基仔)於昨日情人節化身「獨男」,親身拍片惡搞其作品《愛與誠》的網絡大熱悲歌《毒男》,為全城「單身狗」送暖,短短半日已在FB錄得20萬點擊,獲網民瘋狂派Like。很多巴打高喊聽完超治癒;有人卻嫌沒有粗俗歌詞,未算傳神!

近日,基仔經常於社交網出招呃Like,本月初開始勁玩現時大熱的手機遊戲「旅行青蛙」。昨日,他再次為網友們送上驚喜,竟然躲在被窩中拍片,並翻唱09年網絡大熱、改編自《愛與誠》的惡搞歌《毒男》,在情人節唱盡「單身狗」心聲。

短片全長約一分半鐘,基仔留言︰「我知道呢首歌喺高登hit左(咗)好耐,好多網民都有叫我唱,趁今日情人節,我就唱兩嘴啦,祝單身的朋友,今天無懼放閃,毒X也可以很快樂!」不過,未知基仔是否為了保持古Sir的健康形象,沒有跟足原版唱出粗口發音,可幸其演繹依然傳神。

自爆短片受男性歡迎

基仔唱畢後說︰「如果你仍然係單身,聽到呢隻歌會好滿足,就將呢隻歌送俾(畀)你,今日係2月14剛剛踏入12點,今日應該一街都係情人節快樂嘅祝福,今日仍然係單身,我祝福你單身都係咁快樂。」他更刻意留言指短片最受24至35歲的男性歡迎,似乎暗示獲不少男士支持。

很多單身網友直指聽到基仔的歌聲大滿足,大呼過癮,更盛讚他夠晒應節;另一方面,有心水清網友卻指,基仔身為人夫唱毒男悲歌難入戲。

其實,基仔今次是誠意十足,昨日他不忘親自回覆網民留言,除了表示感謝,更自爆匿入被竇唱歌全因害怕古太聽到。知名KOL高登天后King Jer亦開心「些牙」短片,更將歌曲改名為《愛如(與)誠(毒X Remix)》,基仔也親身在對方的專頁取笑她打錯歌名︰「King Jer連歌名都幫我改埋。」

撰文︰Steven、Pat

編輯︰黃寶恩

美術︰梁政敏

更多晴報內容,請登入網站www.skypost.hk

LIKE晴報Facebook專頁(www.facebook.com/Skyposthk),更多驚喜

 

是日精選

古巨基匿被竇唱毒男版-愛與誠-單身巴打-好治癒呀
少婦聯盟互爆馭仔術-搶做狗年新娘
農夫-網友認錯我哋係mc-jin
情人節鬥放閃-謙仔-楊怡大髀-祖藍攬妻慶結婚三周年
謝杏芳原諒林丹偷食無懼捱鬧
馮盈盈-情人節同男友去酒店
早前爆出拖延服役風波-gd閃電入伍暫別歌迷
自爆甩拖-周嘉儀-冇情人嘅情人節都可以好快樂
火火唔想要bb-同老婆吵大鑊
吳若希暗寸老公講大話
林欣彤誤做第三者-冇得-秒就放低
羅傑承梁芷珊驚爆離婚
波多野結衣-讚趙永洪溫柔
女伴多多-曾戀陳加玲-尖東消遣遇襲