古天樂拍戲求開心唔使分紅

東方日報
古天樂只想拍好電影,更希望部部都旺場。

藝人古天樂和林峯、女星夏嫣、黃百鳴、栢天男昨日出席電影《P風暴》慶功宴,電影在港上映10日已破1,200萬票房,內地更達6億佳績,打破上集票房。問到可想過有這成績?古仔說:「一向都冇理票房,只係想拍好佢,咁一部一部上,每集比上一集票房好已經好開心。(有信心過10億?)吓,冇乜目標,成績好就開心。(有冇分紅?)冇,唔使啦!(因為係老闆?)唔係,同黃生(黃百鳴)識咗廿幾年,自己不嬲唔計錢,應收就收(片酬),冇要求分紅。」

多動作擔心再受傷

古仔解釋不收分紅的原因:「一部票房好啫,咁都有其他戲票房唔理想,何必要加大壓力呢?當然希望部部收得,但香港電影係要一齊做好個市。」同時宣布開拍第5集《G風暴》。

慶功宴後,他和林峯即返內地繼續為《尋秦記》開工,古仔說今次有很多高難度的危險動作,因去年才接受頸椎骨手術,他坦言驚受傷,並說:「最難係要拍動作鏡頭,而度喜劇位就最頭痛。」

林峯讚胡鴻鈞唱功

至於林峯表示多得古仔給他嘗試首次演奸角,對於票房大收坦言:「算係安樂少少。(可以結婚啦?)呢個就冇回應。」問到可知胡鴻鈞是誰?林峯說:「知道。」說到有指胡鴻鈞人紅變囂張,在人前說「勁過林峯」,搞到被星夢雪藏懲戒。林峯說:「呢個冇回應,不過當年喺無綫時我哋合作過,覺得佢個人好Nice,好上進,喺我印象中佢非常之好。(覺得佢唱歌點?)好聽呀!」

林峯第一次做奸仔,部戲就大收。
夏嫣對新片收得,希望更多人認識。