【口罩炒貴5倍】陳庭欣鬧爆藥房發肺炎財

點解要咁做呢!

香港確診兩宗武漢肺炎個案,喺呢段期間好多人出街都會戴番個口罩以防萬一,就係因為咁令到口罩出現搶購潮。呢日藝人陳庭欣喺社交網上載一張藥房嘅相並留言:「😠😠😠太過分,發「肺炎」財😠😠😠。」一盒口罩價錢由原本50蚊左右,暴升至250蚊,足足賣貴咗五倍!唔少網民都留言大鬧呢間藥房離譜,簡直係趁火打劫。

隔咗冇耐陳庭欣再出Po,雖然都係關疫情事,不過就唔係鬧人,因為取消咗初一花車巡遊,原本要做司儀嘅佢變相提早收爐:「因為初一的花車取消了,所以我提早收爐啦!寄望嚟緊鼠年大家身體安康,出入平安,事事順利!」