口罩告急!朱薰出動倉底螢光罩自保

疫情嚴重,各地一罩難求。

武漢肺炎疫情告急,一罩難求,買唔到口罩或者可以選擇喺屋企,睇吓有冇滄海遺珠,可能會有驚喜!呢日DJ朱薰喺社交網自爆早喺一兩年買落螢光色嘅口罩,但奈可一直都未有勇氣使用,但嚟到呢個一罩難求嘅時候,都要出動呢啲口罩:「當時心諗,如果我都唔買仲有邊個買,一包三種螢光色,買咗但佢一直坐冷板凳(櫈)(因為原來真係好難用),估唔到嚟到2020年,冇貨窮起上嚟乜口罩都要用嘅時候,就有支spotlight射住呢包口罩:『係你喇上嚟啦!』螢光橙、螢光青!」

而染咗一頭藍色頭髮嘅佢,笑言話其實仲有螢光藍口罩未用,原因係驚太過撞色:「仲有一隻色我都未敢用,係螢光藍,擺埋上面未免太過matchy matchy喇,我都頂唔順!」