【又嚟HEHE】森美向杜汶澤表白 田蕊妮感觸:我是幸福的

大部份人對杜汶澤嘅睇法都好兩極,一係鍾意到佢暈、一係就好憎佢。究竟佢係好人定衰人、醒目仔定係吹水佬,相信各花入各眼,好難有定論。就好似前排杜汶澤上咗電台節目接受DJ梁泰來訪問,就因為被問及多年前同劉德華及吳君如嘅不和事件而喺Facebook開Post大鬧對方,仲寫埋「錄左唔播正契弟」的hashtag ,擺到明同梁泰來誓不兩立。

不過相反佢啱啱上完由森美做主持嘅Yahoo自家製節目《森美搜尋器》,做最後一集嘅嘉賓,兩人就似乎老友鬼鬼喎!話說兩人做完節目後,森美就傳咗一段Whatsapp訊息俾杜汶澤老婆田蕊妮,一向只係聽慣其他人叫佢老公講少句嘅田蕊妮一收到呢段訊息當然相當窩心,仲忍唔住有感而發喺IG發文寫到:

唔少網民都留言支持同祝福佢哋:「我支持你老公架!亦十分欣賞佢!加油 」、「 要跟杜生一直幸福。 」、「杜生好有才華架~同你係絕配的一對!」、「支持你地」、「有愛的夫妻,要繼續恩愛呀」等等