【又嚟神預言!】《阿森一族》預言疫症由亞洲傳入美國

《阿森一族》

美國長壽卡通片《阿森一族》(The Simpsons),除咗經常以搞笑故事去諷刺時弊之外,佢仲多次成功「預言」未來,例如有預言智能手錶嘅出現、特朗普(Donald Trump)當選美國總統、美國天后Lady Gaga喺美國超級碗(Super Bowl)嘅吊威吔表演、希臘國債危機及迪士尼收購霍士等等,被譽為係神級卡通片。

《阿森一族》

佢嘅「預言」能力真係好犀利,連今次武漢肺炎都預測得到。有網民發現喺27年前第4季第21集,劇情已經預言到有疫症會由亞洲傳入美國,不過唔係武漢而係日本。劇情提及一名患上「大阪流感」(Osaka flu)嘅日本工人,喺包裝榨汁機時咳嗽,之後啲病毒就跟住包裹寄到美國,眾多市民打開包裹後,即被病毒感染,病毒繼續經過空氣再傳播俾其他人,造成當地大規模擴散300多宗感染個案,連主角之一嘅巴特都被感染發燒。

而該集片段就喺網上瘋傳,有網民改圖將Osaka flu改成Conora Virus「冠狀病毒」,有網民覺得《阿森一族》嘅作者係來自未來,因為佢哋可以預計好多將會發生嘅大事。

《阿森一族》
《阿森一族》
《阿森一族》
《阿森一族》