【又係做警察】 蔣祖曼係新一代御用Madam?

演員其中一樣最可怕嘅嘢就係被個樣局限咗做某種特定嘅角色,就好似近期hit爆嘅無綫劇集《使徒行者2》入面嘅Madam張咁,大家有冇覺得好熟口面呢?雖然佢留長咗頭髮,不過如果你有睇ViuTV嘅《詭探》,你就一定會認得佢嘅殺氣,佢就係無論去到邊個電視台都做警察嘅蔣祖曼(Joman)。

2001年15歲嘅蔣祖曼當年拍港台劇集《Y2K+01》飾演阿魚而入行,同期出道嘅仲有余文樂、蔣雅文同關智斌。Joman雖然冇佢哋咁有名氣,不過憑努力亦搏得「獨立電影女皇」之名。因為佢出道十幾年嚟拍過唔少獨立電影,好似《蝴蝶》和《大藍湖》等等,有啲甚至可以參加國際電影節,所以實力其實有番咁上下。不過近年佢開始去電視台拍劇,2014年就幫香港電視拍攝《警界綫》仲分飾兩角做孿生姊妹重案組Madam方同犯罪集團首腦、2017年就喺ViuTV《詭探》入面飾演「第七行動組」成員Madam方、依家再轉到無綫拍《使徒行者2》飾演Madam,點知又係做總警司Madam Cheung,唯一唔同嘅就係今次做黑警。

《警界綫》 :

《詭探》 :

《使徒行者2》 :

其實Joman keep得咁好咁靚、又有演技、經驗又多,其實電視台可以俾佢試多啲其他角色,唔一定成日都做警察,大家又點睇佢呢?