千嬅等Order添食 梓軒Fans威脅寄刀片

東方日報
「藍飛」與「浩田」在街頭重遇,愛的抱抱。

無綫台慶劇《多功能老婆》播出以來收視不俗,不少觀眾追得相當肉緊,當中王梓軒在結局慘死,令Fans嬲爆鬧編劇,更威脅要「寄刀片」;而與周柏豪大團圓的楊千嬅,則靜待「添食」拍續集。

《多功能老婆》前晚大結局,「藍飛」楊千嬅、「劍雄」黃浩然與「浩田」周柏豪,以及「萬風華」陳煒、「梅君明」王梓軒與「顏成功」于淼的兩段三角關係,最終有喜有悲!結局講「顏成功」設局復仇,刻意穿上婚紗在遊艇船尾跳海自殺,「梅君明」落水救她時雙雙受傷,「梅君明」最終不治。而當了醫生歸來的「浩田」,在「藍飛」兒子造就下與她相遇,在街頭喜極相擁。

「唔好太投入」

王梓軒「慘死」引起Fans不滿,有人大鬧編劇「好衰」,更有人在微博揚言要「寄刀片」給編劇,對此梓軒無奈說:「唔好咁投入劇情。」又直言希望「再見」:「我嘅死令好多角色嘅仇恨化解咗,好幸運可以參與呢套劇,監製陳寶華花咗好多心思,期待喺續集再同大家見面。」不少觀眾亦期待劇集「添食」,記者昨日致電丁子高,問千嬅會否拍續集?他說:「千嬅一直好支持香港原創製作,不管係電影或電視劇,最重要係劇本同製作質素,遇到好劇本或有誠意嘅團隊,佢都很樂意支持。」

全家「多功能」

千嬅在劇中有情人終成眷屬,現實中則有個「多功能老公」,幸福滿瀉!大前晚她在尖沙咀開工,老公丁子高專程駕車前來等候,接她到灣仔出席飯局。率先落車的千嬅似乎忘記拿電話,醒目的丁子高為免她兩頭騰,即幫她拿電話落車。其後千嬅箭步前往餐廳,卻見老公仍在車旁,即停步回頭,更忍不住折返等他,再雙雙上樓開餐。至於千嬅的7歲囝囝Torres亦同樣「多功能」,日前他在家傭陪同下到大埔補習,見他沿途一心幾用,拿着平板電腦邊行邊睇。

楊千嬅
「梅君明」不得好死,令梓軒Fans嬲爆!
千嬅接過手機後行去餐廳,發現老公未動身即停步眼望望。