十一人聚餐冇戴罩!麥明詩返港為葉念琛慶生

唔知有冇吹蠟燭呢?

荷里活男星湯漢斯(Tom Hanks)夫婦、NBA爵士球員高拔尋日確診,消息震驚全球!雖然一直呼籲大家留在家中避免去人多地方,但飯局聚會少不免,就好似今個月45歲生日嘅導演葉念琛,圈中人緣甚佳,獲唔少藝人好友為其提早慶祝。

見到除咗馮盈盈、唐詩詠、姚子羚、陳敏之、方力申、無綫高層樂易玲等,就連離開無綫走到台灣發展律師事業嘅麥明詩都有出席,認真夠畀面!不過有網友認為喺疫情嚴峻下多人聚餐,而且冇人戴口罩,防疫意識似乎有啲鬆懈,提點佢哋要注意衞生。

咁多人聚餐好似有啲危險..
(左二)麥明詩從台返港為葉念琛慶祝,勁有心!