【勁過阿希!】森美小儀電台表白環節又有Hehe

森美同小儀主持嘅電台節目《早霸王》嘅表白環節「你知唔知道有人掛住你」經常出現奇奇怪怪嘅人嚟表白,例如有當年嘅阿希男男戀、今年亦有個女仔向有婦之夫示愛等。估唔到啱啱過咗嘅星期五冬至又發生咗單勁過阿希嘅表白事件。

事源男聽眾子豪打電話上電台搵森美小儀幫手示愛,子豪指兩日前同朋友到酒吧飲野,識咗個新朋友阿真,飲醉後仲同佢發生一夜情,第二朝起身二人係床到傾下偈,無故意提起噚晚嘅事,而家想同阿真表白。森美知道後就問佢會唔會太快,勸佢唔好咁心急,不過子浩堅持要打電話表白。

電話一接通,竟然係一把男人聲,小儀再三確認依個男人就係阿真後,森美小儀先發覺阿真原來係男人,即係子浩係鍾意男人。當時森美忍唔住笑到失晒控,仲走晒音咁問阿真:「你地去開邊間酒吧。」之後就話有人打電話上嚟同你表白,問佢估唔估到係邊。阿真停頓左幾秒後問係咪子浩,之後子浩直接問阿真可唔可以同佢一齊,阿真亦都答應左。

同性戀表白已經唔係第一次,想當年阿希事件森美個反應已經好好笑,估唔到森美今次笑到走晒音,連網友都話笑到有腹肌。