劉青雲被吊高揈上七層樓

東方日報
劉青雲大讚導演邱禮濤安排好,令拍攝很順利。

劉青雲前晚出席電影煞科宴,大爆拍攝一場在車內被直升機吊起的戲份時,獲導演送上「驚喜」,青雲笑說:「試嗰陣就一架車咁高,拍嘅時候一扯就七樓咁高!」

影帝劉青雲前晚與吳卓羲、黃德斌、洪天明等在尖沙咀出席電影《拆彈專家2》煞科宴。青雲指新片拍攝不算辛苦,因導演邱禮濤安排得好好,指示清晰,拍攝流程暢順,故拍得很愉快,至於會否再添食則要視乎上映時的成績。

提到片中有不少危險場面,青雲笑指導演不斷送他「驚喜」,他笑說:「有場戲講直升機吊起架車,我喺架車裏面,初時試就(吊)一架車咁高,到拍嘅時候一扯就七樓咁高,仲要喺半空揈喎!導演有講會吊上去,但冇講吊到咁高囉。」他表示煞科後小休,會與老婆去旅行鬆一鬆。

吳卓羲拍到腳脛流血

吳卓羲指今次與青雲有不少對手戲,更趁機「集郵」,他笑說:「之前集郵差『青哥』一個,依家齊晒喇!可以再集多次梁朝偉,之前同佢拍咗套《風再起時》,最想集當然係發哥(周潤發)。」他透露今次比第一集戲份多,拍得更開心,但動作場面難免受傷,他說:「有場戲要喺ifc外面跳欄狂奔,拍嗰陣唔知,返到屋企先發現上五寸下五寸(腳脛)流晒血。」黃德斌表示於無綫年代未曾與青雲合作過,今次不乏對手戲,坦言看着對方演戲已經覺得佷享受。

邱禮濤
吳卓羲(左)與黃德斌於新片過足戲癮。