劉心悠練拳變大隻妹

東方日報
劉心悠為新片增磅,投入拳手角色。

藝人劉心悠與趙慧珊(Aka)等前晚出席活動,見心悠明顯曬黑,身形亦較前大隻,她笑說:「因為拍戲做一個好叻嘅拳手,要接受訓練又要食蛋白質,之前仲大隻啲,依家係瘦番嘅版本。」她又指是為角色而曬黑:「太白就唔似拳手,自己平時跑步都會曬太陽,接受到。」她表示拍攝初時被打中會眼淚直流,要慢慢克服恐懼。

而少時曾練芭蕾舞的Aka,指每年的聖誕節會看有關芭蕾舞的電影。最近拍MV仆倒弄傷腳及面部的她表示不擔心破相,她說:「凌晨喺樹林拍MV仲要跳舞,唔小心跌低咗,最初以為骨折,好彩唔係,冇時間睇醫生,都係叫阿媽幫我捽吓。」

Aka透露少時練芭蕾舞試過弄傷腳筋。