劉心悠練拳唔嗌辛苦 抗拒被稱呼做「BB」:每次聽到都會起雞皮

劉心悠練拳唔嗌辛苦 抗拒被稱呼做「BB」:每次聽到都會起雞皮

劉心悠日前與黃子華宣傳新戲,聽到子華神同各位分享自己在演好拳手角色所做的訓練,即時淚灑當場。香港開電視節目特意派出主播植詠姍(Cathy)就走入心悠的訓練場地,跟著心悠接受進行一系列與拳擊相關訓練,Cathy雖然有運動底子亦打開籃球,但在跟著心悠訓練期間都不得不多番叫辛苦,可想而知心悠為角色所付出嘅努力有幾多!

心悠話練拳期間從來唔會講辛苦二字,因為學習時要專心,咁先可以打得好,而且亦曾有過報名參與比賽嘅諗法,不過依家決定都係當興趣每周練習下就好。心悠又坦言自己好抗拒被叫做「心悠BB」,雖然好感激大家愛戴,不過每次聽到笑言都會起雞皮。

其實心悠一直有做開運動,馬拉松盛事經常都會見到佢嘅身影,佢透露現正積極為四月再到北極跑馬拉松做準備,當中包括製作一個屬於自己嘅旗幟:「上次去北極跑馬拉松係難得嘅體驗,如果今年天氣好可以再跑一次,我希望可以係果度插一支由自己製作嘅旗,咁我人生嘅check list又可以多一個喇!」

點擊瀏覽《香港01》更多內容和圖集

你可能感興趣:
【乜代宗師】劉心悠24歲出道曾獲封廣告天后 素顏跑馬拉松一樣靚
【乜代宗師】跟黃子華緣於《奸人堅》 羅天池任武指︰佢係搏晒命