劉佩玥激罕三點式寫真混戰

東方日報
劉佩玥以索爆水着Look出擊,夠晒睇頭!


入行五年的劉佩玥首度推出文字相集,殺入書展!雖然行文青路線但亦大派福利,以三點式泳裝示人,她在書中大談戀愛經歷,試過因戀情無疾而終喊到眼腫睡不着,凌晨在街上邊跑邊喊!


2013年港姐季軍劉佩玥(Moon)推出文字相集《我的微笑之道》,一向愛寫文章的她,自中學起就想出書,今次從籌備到完成製作,僅花兩個月時間,當中造型多達十多個,全部在美國取景:「去咗洛杉磯、拉斯維加斯、紐約,大概影咗兩星期,文章就係一啲自己嘅散文、感受。」


唔擔心唔夠撼


書中更有兩款泳裝照,她笑指除了五年前選港姐外,再沒有穿過比堅尼:「我連同朋友去旅行、遊船河都冇着三點式(0架)!今次有特登Keep Fit,去跑步、做Gym,不過我冇刻意去磅減咗幾多,希望健康咁減,望落去身形靚啲!」談到書展是寫真的殺戮戰場,僅得兩款泳裝照可擔心不夠撼?她直言不會,因兩者的路線不同,並透露今次擲六位數出書。


攰爆瞓唔着


Moon亦在書中大談愛情觀及拍拖經歷,問到最慘烈的失戀經驗?她自爆入行前曾經未拍拖就失戀:「我哋兩個都鍾意對方,但可能大家都太細個,佢又太多藉口,始終覺得唔適合,最終都冇一齊!」她直言「好傷」,喊到眼腫、攰到極點也無法入睡,於是凌晨三時偷偷落街跑步,邊跑邊喊發洩!


場地:Weisley's Wardrobe


化妝:Matt Lau@mattlau_makeup

劉佩玥
遮住半邊面都係咁靚女!
Moon一直想出書,如今終於圓夢!

 

是日精選

港姐覆試-大熱-瑜伽吳佩慈-被叮-嫩版紅姑-失手-的骰光希-遭照肺

林明禎拍愛情微電影-觀眾-機械人之戀好touching
甄詠珊處女寫真諗定加印
陳倩揚8磅千金等埋爸爸先出世
港台主持曾志豪直播爆粗被-封咪-11
劉佩玥激罕三點式寫真混戰
吳若希自認高材生住院變包尾