劉佩玥嫌「打野戰」低俗

東方日報
張頴康與劉佩玥預告拍親熱戲。

藝人張頴康及劉佩玥(Moon)昨日到電視城為劇集《逆天奇案》試造型,飾演富家子的阿康透露與Moon有大量親熱戲,而且場地特別。問到有否「打野戰」情節?Moon笑言:「唔係咁低層次,我哋係有錢人。」問阿康有否向老婆麥雅緻備案?他笑言:「佢知,報來報去都係同一張表格,只係填唔同女星名。佢成日叫我拍多啲感情戲,但播出嗰陣又睇到眼火爆,好難捉摸!」

他坦言拍親熱戲似拍動作片,難度甚高:「要用身體去遮擋女演員穿崩位,又擔心掂到女方啲重要部位。」問Moon有否向緋聞男友周志文備案?她即扯開話題,表示有告訴父母:「父母都鼓勵我作多啲嘗試,唔係只做乖乖女。」