劉丹退燒復工

東方日報
劉丹發燒期間與孫女隔離。

資深演員劉丹早前因發燒暫停拍攝處境劇《愛·回家之開心速遞》,幸好經過幾日休養,昨日已病愈復工。他透露只是普通感冒,但由於新冠肺炎疫情嚴峻,為免「乞人憎」才請了4日病假,待完全康復才返回工作崗位。

問到可有睇醫生?劉丹說:「我自己知嘅,我嘅迹象只係咳,冇鼻水,所以唔關事,又唔係咳得勁,燒又冇乜,只係37度幾。(有冇瘦到?)肥咗就真,成日想瘦都瘦唔到。(有冇隔離孫女?)全屋人都唔畀佢埋我度,我都有戴口罩。(兒子)愷威喺香港湊女,個女都黐佢,依家內地停工,佢休息吓先,估計4月先再去。」