劇集片尾幕後員工名單消失 無綫被指唔尊重員工

《法證先鋒IV》截圖

無綫近年是非多多,由經營、財政至人手管理都出現問題。除咗早前嘅無綫新聞被指報道偏頗,因而成為網民狙擊對象之外,上年年尾更裁員,當中製作部及綜藝組被指係重災區,唔少人都批評無綫唔尊重員工。

一套劇集嘅成功絕對係要台前幕後共同努力,但係近有網民發現無綫唔尊重員工舉動再度升級,講緊嘅係劇集《黃金有罪》和《法證先鋒IV》片尾上竟然冇列出幕後員工個名,只係得演員、贊助商同埋主題曲有清楚列出姓名,而美術部、外景及後期製作組等等嘅幕後員工嘅名字就全部被消息。

其實近年嘅劇集,只要播放完畢都會出Roller字幕,列出幕後員工名單,連近排播放嘅處境劇《愛.回家之開心速遞》及《大醬園》都有,咁點解《黃金有罪》和《法證先鋒IV》會無端端冇左呢?有報道指同內地同時播出嘅同步劇都唔會列出名字,無綫擔心員工會俾人起底喎。