劇集創單日最高點擊 周柏豪讚BB旺老竇

東方日報
周柏豪與黃浩然即場大鬥法谷戲。

周柏豪與「情敵」黃浩然昨日齊齊宣傳,柏豪更以前晚在劇中的黐鬚造型出現。提到劇中為千嬅做出很多浪漫事,感動不少觀眾,他說:「好感恩收視好,除咗故事紮實,BB嘅來臨帶嚟好運,當然希望佢一世旺爸爸啦!(囡囡改咗名未?)師傅已經畀咗幾個名我哋揀,好快會決定,因要攞出世紙,否則逾期罰錢。(罰幾百啫!)慳得就慳,幾百夠買尿片。」

無綫高層杜之克席上公布劇集的網上點擊,單日最高有43萬,亦是自製劇集的單日最高成績。對於收視理想,浩然坦言很開心,笑言因角色夠賤才成就了柏豪與千嬅,還劇透指會由「賤雄」變回「可愛雄」追番老婆。提到黃心穎返港,他說:「聽到有呢啲消息都係好,佢返得嚟應該OK嘅。(有冇聯絡佢?)未,呢段時間唔好啦,佢應該想陪屋企人多啲。」

「情敵」爭老婆,死都唔肯「吻」恩仇!