公開私訊內容 與警察堂哥割席 阮民安:恥與為伍

阮民安

《逃犯條例》修訂風波已經持續兩個月,支持「反修例」嘅E-kids成員阮民安(Tommy)多次被拍到現身示威現場,又經常喺個人平台發表個人感受。尋晚 Tommy喺個人平台以「大義滅親,恥與為伍」為題,公開做警察嘅堂哥inbox佢嘅說話內容及指罵嘅圖片。

阮民安's Facebook

事源喺721元朗無差别打人後Tommy出左篇文,過左幾日突然收到佢做警察嘅堂哥一堆私訊,當時Tommy都無時間理佢,只係諗住有時間就感化下佢。點知無耐又收到堂哥私訊話要喺FB公開佢哋嘅關係,佢就決定公開對話內容。

阮民安's Facebook
阮民安's Facebook

網民紛紛留言話要支持Tommy,有網民留言: 「今時今日阮民安型過余文樂100倍!」、「多謝與香港人同行」、「依家...真心欣賞你!」、「其實由721開始已經唔只係政見,而係良知,做自己應該做的事,支持你」及「對你改觀了 請受一拜
多謝你同行」等等。