公主Look開騷蘇慧恩:當結婚

東方日報
蘇慧恩在管弦樂團伴奏下演唱,心情好緊張。

歌手蘇慧恩昨日以公主Look為管弦樂團音樂會獻聲,她演繹了重新編曲的《一馬平川》及兩首迪士尼卡通片主題曲。首次跟管弦樂團合作的她大叫怕怕,驚到手都震:「未試過有70幾個樂手喺後面伴奏,係個好難得嘅機會,好榮幸獲樂團指揮朋友邀請,佢幫我揀咗兩首卡通片主題曲,對我嚟講好高難度,因為個音域超出平時唱歌,佢叫我試吓,做歌手係要突破自己嘅!」又說秘密找聲樂老師操練,及惡補該兩套卡通片:「再配合埋個公主Look,當自己結婚咁!」

今年中她會舉行演唱會,正入紙申請場地:「之前兩次都唱細場,想更上一層樓去大啲場地,其實今日個場已經升咗級,有一千座位,又全場爆滿,當係預演。」