八十年代出道! 郭晉安 凍齡32年

東方新地 - 娛聞

無綫新劇《再創世紀》啱啱開播,男主角郭晉安同林文龍同樣年過五十、同樣八十年代中後期出道、同樣係娛圈凍齡型男,今次本刊就搵嚟入行32年嘅安仔廿零歲後生相,對比依家似乎冇乜走過樣,不禁要拍手掌。

撰文:東方新地|圖片:新傳媒圖片庫、郭晉安微博

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

王君馨吹功了得 孖老公馬爾代夫造人

郭晉安 出道稱小張國榮

郭晉安86年初出道時就畀人叫做「小張國榮」,連安仔都覺得自己輪廓同隻眼幾似,呢張攝於88年嘅大頭相,24歲嘅安仔髮型同輪廓的確有幾分似哥哥。

郭晉安
八十年代張國榮。

安仔大哥似老竇

相信睇咗郭晉安 (右) 呢張童年相嘅人,都會以為喺安仔隔籬嗰位中年大叔係佢老竇,原來佢係安仔嘅大哥,相中仲有佢老婆同個女。郭晉安有五個哥哥三個家姐,佢最細同大哥年紀相差好遠。

郭晉安

88年靚仔西裝look

88年尾郭晉安出席TVB二十一周年台慶活動,一臉稚氣配西裝骨骨有點老積感覺。

郭晉安

88年何美婷合照

郭晉安同85年無綫首屆健美小姐競選季軍何美婷,同樣係86年入行,安仔首部劇集《城市故事》就同何美婷合作,88年安仔搭晒何美婷膊頭影合照,狀甚老友。

郭晉安

處男劇《城市故事》

郭晉安首部劇集《城市故事》,同何美婷雖然唔係演情侶但亦有唔少對手戲。

郭晉安

88年首擔正造型爆

郭晉安喺88年無綫劇集《嬴單傳奇》首次擔正男主角,演亡秦後裔嬴單,劇中天生愚笨卻獲兩位師傅教授武功,後來喺寶物幫助下變聰明,最爆係佢古裝配現代髮型嘅搶爆造型。

郭晉安

《嬴單傳奇》好艷福

郭晉安劇中遭姨父設計無奈迎娶龔慈恩演嘅表姐,最後迎娶互相扶持嘅曾華倩同捨清白之身相救嘅周海媚,在劇中可謂艷福不淺。

郭晉安

89年禮服美男子

89年郭晉安着上隆重嘅晚禮服現身公開場合,佢冇打煲呔改用短領帶,最搶鏡係帶上粒閃鈕,而唯一要彈嘅係用gel太多,搞到啲頭髮好似畀膠水漿住咁。

郭晉安

92年避風塘合十

郭晉安92年簽新經理人公司,參演電影外更開始籌備首張個人大碟,呢日嚟到避風塘踎低合十,好似祈求事業突破。

郭晉安

95年闖樂壇

郭晉安95年進軍樂壇推出首張同時亦係最後一張大碟《一分一刻一點也願試》,雖然請嚟黃凱芹同倫永亮等人寫歌,但唱片銷量一般令安仔打消喺樂壇發展。

郭晉安

三奪視帝創高峰

郭晉安演技精湛,憑02年《戇夫成龍》傻更更「阿旺」丁常旺、05年《阿旺新傳》現代版「阿旺」、14年《忠奸人》陰沉奸狡令人心寒嘅律師高哲行,奪萬千星輝頒獎典禮「最佳男主角」,同羅嘉良、黎耀祥一樣三奪視帝。

《戇夫成龍》
《阿旺新傳》
《忠奸人》

同場加映:《再創世紀》再做奸角 郭晉安 露心寒笑容

99年神劇《創世紀》到依家依然係好多香港觀眾嘅集體回憶,19年後無綫拍《再創世紀》,仲搵來當年主角之一嘅郭晉安再度擔正,由當年嘅忠角「馬志強」,變成今次奸到出汁嘅新角色「賀天生」!

郭晉安

郭晉安露心寒笑容

郭晉安已經唔係第一次做奸角,對上一次係2014年嘅《忠奸人》,郭晉安仲憑呢部劇集第三度奪視帝,證明觀眾都鍾意睇安仔做奸角!

郭晉安

 

《再創世紀》做奸商

今次《再創世紀》郭晉安飾演嘅「賀天生」係一名充滿野心嘅商人,同楊怡結婚,後又偷食陳自瑤。

郭晉安
郭晉安

劇中郭晉安做事不擇手段,同楊怡合謀,意圖吞併楊怡契爺胡楓嘅集團。單睇郭晉安嘅笑容,已經奸到出汁,觀眾睇見都心寒!

郭晉安
郭晉安

自言演技有進步

安仔話覺得自己演技比以前做「馬志強」時有進步:「今次我表面上都好似馬志強成日笑,同身邊好多人都做到朋友,表面上好Nice,但其實佢係心裡所想同現實所做係唔同。」

郭晉安

19年前做「馬志強」嘅安仔,外表同依家相差不大,keep得勁好!

郭晉安

喺《創世紀》入面郭晉安同蔡少芬做一對,今次就換成楊怡。

郭晉安

睇番當年《創世紀》一眾主要男角,只得郭晉安繼續留低拍《再創世紀》。

郭晉安

安仔又表示想做一個可愛又令觀眾鍾意嘅奸角:「希望男性觀眾會覺得想好似賀天生咁,做人圓滑少少,而女性觀眾會覺得有個咁努力搵錢嘅男朋友或者老公,都唔錯呀!」

郭晉安

郭晉安:角色難定忠與奸

早前郭晉安接受本刊訪問,亦講到佢喺《再創世紀》中嘅角色,佢話:「反派嚟嘅,但又好難講忠定奸,睇你咩角度睇啦!事實上依家好多人為咗個人嘅目標奮鬥㗎啦,不過喺戲劇裡面,唔係做忠就變咗叫奸,睇你點分嘞。」

郭晉安
郭晉安

由《創世紀》到國內資金投資嘅《再創世紀》,隔咗咁多年,問佢覺得科技上、拍攝手法上,故事、文化上有冇唔同?郭晉安就話:「好唔同!《創世紀》當年係回歸之後,講緊98、99年,嗰時面對完金融海嘯,所有樓市都跌,好似成個氣氛都無乜生機咁,突然有套《創世紀》講樓市前景、將來香港點發展到成為一個叫無煙城嘅城市,一個好大嘅理念,又好似真係實驗咗㗎喎!依家你住喺香港係好穩陣,有棟樓原來先代表咗你個人嘅身價、地位,呢個城市真係幾特別嘅。」

郭晉安

安仔續說:「我覺得由《創》到依家,好似真係喺一個創作人個願景、景象,一步一步咁實現。咁啱08年有個金融風暴,喺嗰個環境衍生咗《再創世紀》個故事出嚟。講金融、講股票上嘅財技。會唔會又成為編劇筆下將來嘅遠景,大家面對金融嘅問題,會唔會又掀起一番嘅熱潮呢?」

郭晉安

無錢咩都做唔到!

而問到郭晉安覺得合拍劇、國內資金,係錢多好辦事,可以外地取景、更加多資源,定係要迎合國內同胞口味,冇咁本土情懷?佢話:「我覺得係走向世界嘅,亦都未必係迎合邊一類型嘅觀眾,劇集已經係好容易睇到,拎住個電話,全球嘅劇集,你都可以睇到,當你面向世界嘅時候,唔能夠故步自封㗎嘞,所有嘅製作,同我入行到依家比較 都已經係好大嘅突破。當然有一個資金嘅back up係最緊要㗎啦!無錢真係咩都做唔到,太多錢亦都未必識用,因為你慳慣吖嘛,突然間畀一大嚿錢你,你都要識用,用喺邊度呀?」

郭晉安

安仔續言:「我可以講《再創世紀》裡面,有好多錢真係用咗喺啲好真實嘅場景裡面,例如我同楊怡有一場婚禮,我哋都結過婚,面對嗰場婚禮,我哋覺得有真實嘅感覺,拍得住我哋結婚嘅時候嗰種氣氛。連枱面上面啲小禮物都有晒,好認真!所有嘅酒都係真正紅酒,唔係飲提子汁,連backdrop啲相全部都精心設計,我覺得好真實,係需要嘅,作為一個演員,如果幕後能夠做到咁樣,我哋都好互相尊重,各自去攞最好嘅嘢出嚟。」


《再創世紀》中,跟楊怡的一場實境豪華婚禮,予安仔真實的感覺,自然更有助於投入演出。
郭晉安

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

【港姐2018】港姐踏入45年!細數10項歷屆冠軍之最

【再創世紀】周柏豪靠鼻哥窿搶鏡? 網民:睇到好尷尬!

周柏豪

【再創世紀】女主角鬥喊功 鍾嘉欣、楊怡、周勵淇邊個最慘?

【延禧攻略】光頭定有頭髮靚仔啲?盤點《延禧》三位小鮮肉chok爆對比照

光頭

延伸閱讀:

新移民夫婦辭工全職湊女!陳美齡勸告:要學習咩叫缺少!